I 2030 er det nasjonaljubileum: Noreg i tusen år.
Dette året er det tusen år sidan Olav den heilage fall i slaget på Stiklestad, som markerer eit viktig vendepunkt i norsk historie.
Preses Olav Fykse Tveit er medlem i den nasjonale komiteen som planlegg jubileet.
– 2030 er eit viktig markering, og eg ser fram til å bidra inn i komiteen for nasjonaljubileet. Eg ynskjer å bidra med ulike innfalsvinklar slik at nasjonaljubileet blir markering med breitt nedslagsfelt.
Fykse Tveit går inn i ein breitt samansett komite, som vert leia av Stortingspresidenten. Som styremedlem i Noregs kristne råd ser Fykse Tveit fram til å representere breidda i kyrkje-Noreg.
Preses sit også i hovudkomiteen for markeringa på Moster i 2024, som markerer kristenretten i tusen år. Dette inngår i 'jubileumsstafetten' fram mot nasjonaljubileet.