Sidan 1993 har Olavstipendet blitt utdelt kvart år til prestar i Den norske kyrkje for å auke kunnskapen om kyrkja og hennar rolle i samfunnet. I tillegg til diplom får dei to Olav-stipendiatane femti tusen kroner samt permisjon med lønn i eit halvt år.
Ellen Aasland Reinertsen er kapellan i Torshov og Lilleborg menighet i Oslo bispedømme. I stipendperioden skal ho arbeide fagleg med Jesu likningar. Ei kartleggjing av kva likningar som vert brukt ofte og sjeldan i kyrkjas trusopplæring vil vere utgangspunkt for å undersøke om det er noko samsvar mellom denne bruken og likninganes målgruppe, eigenart og metaforbruk. Reinertsen ønskjer med dette arbeidet å yte eit bidrag til korleis likningane i alt sitt mangfald «kan skape livstolkning, mening og håp for barn og unge».
Den andre Olav-stipendiaten, Rose-Marie Skarsten, vil også arbeide med en tematikk som er knytt til trusopplæring og forkynning. Skarsten fungerer til dagleg som sokneprest i Landås i Bergen. Under overskrifta «Kunst og symbolspråk i forkynnelsen. Gudsrikeleik-inspirert formidling» vil ho undersøke korleis nylaga bildekunst kan gi nye impulsar til kyrkjas forkynning ved familiegudstenester og til trusopplæringa. Eit slik samarbeid med kunsthandtverkarar med sikte på å utvikle eit felles symbolspråk for folk som ikkje har same talespråk vil også ha «relevans for kirkens arbeid med flyktninger og innvandrere».
For Olavstipendet 2017 ønsket Bispemøtet søknadar innen alle praktisk-kirkelige eller teologiske temaområder.