– Ein merkedag i livet

Sundag blei Helge Bjørgås Helle vigsla til ungdomsprest i Nærbø kyrkje.  – Nå høyrer du til her, med alt det eit ungdomsarbeid krev av kreativitet og menneskekjennskap, sa biskop Anne Lise Ådnøy.

Fra venstre: biskop Anne Lise Ådnøy, Helge Bjørgaas Helle, sokneprest Vidar Søyland Pettersen, professor emeritus VID Hans Austnaberg. Foto: Tor Syvert Aass.

– Dette er ein merkedag i livet. Gratulerer med fullført studieløp, nå er du kvalifisert prest i vårt trussamfunn, sa biskop Anne Lise Ådnøy i helsinga til vigslingskandidaten. 

– Livet kvalifiserer ofte like mykje som studier. Du fekk veksa opp med ei tillitsfull tru på Jesus, både i familien, på sundagsskulen og i lokalkyrkja i Hillevåg. Som elev på Stavanger Katedralskole / Kongsgård var Laget din viktigaste base. Med mellom anna arabisk på vitnemålet var du ein perfekt kandidat til U-crew for NMS i Barcelona.

Ungdomane ba for presten

– Så bra at kjærleik og utferdstrong tok deg vidare til teologistudier i Tromsø. Nå høyrer du til her, i Nærbø kyrkje, med tweens-arbeid og Reload og alt det eit ungdomsarbeid krev av kreativitet og menneskekjennskap. I dagens evangelium fortel Lukas at Jesus sa til læresveinane: «Og no overlet eg riket til dykk.» Så stor tillit kan Jesus ha til oss fordi han lever og fordi hans heilage Ande gjev oss alt me treng. Me skal be for deg når du vert vigsla, og eg er sikker på at du har vore boren i bøn alltid, sa biskopen.

Vigslinga blei streama på Youtube, klikk på biletet under for å sjå den flotte gudstenesta der ungdomane var med å be for vigslingskandidaten.

vigslinga

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Internet options / Privacy / Location / klikk på "Clear sites"

Chrome

Settings / Advanced / Priacy and security / Content settings / Location -> Fjern "kirken.no" fra blokkert-lista

Firefox

Options / søk etter "location" / settings / Fjern "Kirken.no" fra blokkert

Safari

Settings for this website / Location -> "Allow"