Nyheiter

Dåp. Kva blir det sagt ja til?

18.9.2019

Dåp i kyrkja. Den vesle i lang, kvit kjole blir boren opp framfor kyrkjelyden. Familie og fadrar er til stades i benkeradene. Kvifor velje dåp for den vesle? Kvifor invitere til feiring – og samle slekt og venner?

Det nye soknerådet i Hareid er klart etter kyrkjevalet

10.9.2019

Soknerådet er det øvste organ i Hareid sokn og består av 8 medlemmar og 5 vara. Sokneprest er fast medlem i soknerådet, i tillegg er kyrkjeverja sekretær. Medlemmane vert valde for fire år. No som kyrkjevalet er overstått er det nye soknerådet klart, men dei skal ikkje tre i kraft før 1. november 2019.

Hareid Barnekantori

22.8.2019

Barnekantoriet øver fast kvar onsdag ettermiddag i kyrkja. Vi syng sjølvsagt mykje og har denne hausten funne fram mange kjekke songar. Innimellom har vi både leik, sosiale aktivitetar, mat og anna opplegg. Vi skal vere med både på gudstenester og julekonsert og andre arrangement på Hareids-landet. Noko av det første som skjer er overnattingsturen vi skal ha i september. Første øvinga blir onsdag 21. august på Hareid BEDEHUS.

Kyrkjelydshus i Hareid

16.8.2019

Hareid sokn fekk for ei tid tilbake tilbod om å ta over Hareid bedehus vederlagsfritt for å bruke det til kyrkjelydshus. Hareid kyrkjelege fellesråd vedtok i 2018 å gå vidare med saka. Rett før sommaren kom godkjenning av reguleringsendringar på plass for tilbygg, då det er ein føresetnad at det skal byggast tilbygg til kontor for dei tilsette. Eit slikt tilbygg må lånefinansierast. No gjenstår det berre nokre formalitetar før signering av overtakingsavtale kan gjerast, og ei formell overtakinga vil vere på plass. Vi håper at mange allereie no vil vere med å bidra økonomisk for oppgradering av huset.

Hareid kyrkje opnast igjen

14.8.2019

Hareid kyrkje har vore stengt i omlag tre månader grunna renovering, og det er med glede vi tek i bruk kyrkja igjen måndag 26. august.

Kyrkjeval og førehandsrøysting

14.8.2019

Kva slags kyrkje vil du ha? Den norske kyrkja ønskjer at alle medlemmer skal få seie si meining å vere med på å svare på det spørsmålet. Difor har vi kyrkjeval kvart fjerde år. Kyrkjevalet skjer samtidig med kommunevalet, i same lokale men ikkje i same rom. Alle som er medlem i Den norske kyrkja og over 15 år kan stemme ved kyrkjevalet. Dersom du ønskjer å sjekke om du står i manntalet kan du besøke oss på kyrkjekontoret så hjelper vi deg med å sjekke dette.

Opningstider i sommar

23.6.2019

Hareid kyrkjekontor har følgjande opningstider i sommar:

Vil du bli vaksenleiar i Hareid Ten Sing?

17.6.2019

Hareid KFUK – KFUM ser etter vaksenleiar i 20 prosent stilling til ungdommane i Hareid Ten Sing.

Hareid kyrkje tek aktivt del på festivalen "Opplev Hareid"

24.5.2019

Under festivalen "Opplev Hareid" 19.-23. juni vil kyrkja vere aktiv i ulike samanheng. I samspel med andre aktørar, bidreg vi til å skape møteplassar og stemning for ein triveleg plass å leve, vekse og bu.

Vi ønskjer velkomen til den nye soknepresten

22.5.2019

Lars Hartig-Tangedal (53) har sin fyrste arbeidsdag som sokneprest i Hareid i dag 3. juni. Den nye soknepresten og kona Ulrike Hartig-Tangedal har kjøpt seg hus på Hareid og flytter til Hareid i løpet av juni. Lars si fyrste gudsteneste blir 9. juni, og innsettingsgudstenesta blir jonsok 23. juni kl 11.00 på Hareid bedehus, siden kyrkja renoverast. Velkomen til vår nye sokneprest, og vi ønskjer ekteparet Hartig-Tangedal hjarteleg velkomen til vår kyrkje og kyrkjelyd.

Ber om tålmod og forståing

22.5.2019

I byggeperioda for renovering av kyrkja, vil det bli ein del ferdsel både rundt kyrkja og kyrkjegarden, bilar, transport av utstyr, gravemaskin, arbeidarar som utfører arbeidet osv. Ein må difor rekne med ein unntakstilstand i denne perioda, og vi ber om tålmod og forståing for dette arbeidet. Det vil heller ikkje vere mogleg for uvedkomande å gå inn i kyrkja i byggeperioda, og ber om forståing for dette. Så gleder vi oss til ei nyrenovert kyrkje til hausten.

Velkomen til Lars - vår nye sokneprest

13.5.2019

Lars Hartig-Tangedal (52) blir vår nye sokneprest på Hareid når Leidulv Ø. Grimstad går av med pensjon i slutten av mai, og vil ha sin fyrste arbeidsdag på Hareid den 3. juni. Innsettingsgudstenesta blir på jonsok 23. juni kl 11.00 på Hareid bedehus, iom kyrkja skal renoverast. Ein vil også kunne bli betre kjent med Lars i ein programpost under «Opplev Hareid» den 19. juni kl 19.30 på Hareid bedehus, i regi av Hareid kyrkjeakademi.

Hareid kyrkje blir stengd for renovering

8.5.2019

Hareid kyrkje skal få nytt golv og varmesystem i løpet av sommaren 2019, og blir difor stengd i perioden 20. mai til utpå hausten eingong. Gudstenester, dåp, gravferder, vigslar og enkelte andre arrangement, vil i byggeperioda bli på Hareid bedehus i staden for kyrkja. Brudepar som ønskjer vigsel i kyrkje, har fått tilbod om å bruke Ulstein kyrkje, eventuelt andre kyrkjer. Vi er sjølvsagt også open for andre lokasjoner for vigsel, til dømes Aarvak, Ishavsmuseet, utandørs, osv.

Soknerådsval og kommuneval 9. september 2019

4.5.2019

9. september 2019 er det soknerådsval, same valdag som kommunevalet. Nedanfor kan du sjå nominasjonskomiteen sitt listeforslag på kandidatar til Hareid sokneråd, som er godkjent av valstyret.

Ventar på reguleringsendring i løpet av sommaren

2.5.2019

Hareid sokn fekk for ei tid tilbake tilbod om å ta over Hareid bedehus vederlagsfritt for å bruke det til kyrkjelydshus. Hareid kyrkjelege fellesråd vedtok i 2018 å gå vidare med saka. No jobbast det med godkjenning av reguleringsendringar, då det er ein føresetnad at det skal byggast tilbygg til kontor for dei tilsette. Eit slikt tilbygg må lånefinansierast. Klarering i høve reguleringsplanen vil truleg bli klar før sommarferien, og ei formell overtakinga vil kunne gjerast.

Konfirmasjon i Hareid

29.4.2019

Andre helga i mai er det tradisjon for å halde konfirmasjon i Hareid. Laurdag 11.mai har vi to konfirmasjonsgudstenester og søndag 12.mai har vi ei gudstjeneste.

Konsert 27. april på Hjørungsvåg skule

12.4.2019

Laurdag den 27. april kl. 15.00. er Hareid Barnekantori klare for konsert på Hjørungavåg skule. Koret skal framføre eit syngespel som heiter «Å, så vakkert» av Hans Inge Fagervik. Songane handlar om at vi må ta vare på det Gud skapte, vi må ta vare på både jorda vår og kvarandre. Her er alt frå stille vare songar til rapp! Songane er knytt saman av korte tekstar, som nokre av koristane les. Borna har hovudrollene som solistar og alle dei andre rollene. Vi er så heldige at vi har fått med oss sjølvaste Roy-André «Zvor» Øvrelid, som er kjend frå bandet Kontrollert Kaos. Han skal vere med som solist på ein skikkeleg rapp ilag med koret, og vil også framføre ein av sine eigne låtar. Dette gler vi oss veldig til!!

Vår-dugnad på kyrkjegarden: Eit samspel bygd og kyrkjegard

12.4.2019

Folk i Hareid kommune er glad i kyrkja si, og den er mykje i bruk gjennom heile året. Men vi har også ein kyrkjegard som blir mykje besøkt og som vi ønskjer skal sjå fin og velstelt ut. Men vi treng hjelp til å vedlikehalde denne no når våren kjem, og inviterer difor bygdefolket til å ta del på vår-dugnad på kyrkjegarden laurdag 27. april kl 10.00.

Opningstider og program i påskeveka

12.4.2019

Velkomen til Hareid kyrkje og vårt påskeprogram!

Våren er komen - kan du bidra på vårdugnad kyrkjegarden?

5.4.2019

Folk i Hareid kommune er glad i kyrkja si, og den er mykje i bruk gjennom heile året. Men vi har også ein kyrkjegard som blir mykje besøkt og som vi ønskjer skal sjå fin og velstelt ut. Difor inviterer vi bygdefolket til å ta del på vår-dugnad på kyrkjegarden, laurdag 27. april frå kl 10 og utover dagen.

Nyheiter

Dåp. Kva blir det sagt ja til?

Det nye soknerådet i Hareid er klart etter kyrkjevalet

Hareid Barnekantori

Kyrkjelydshus i Hareid

Hareid kyrkje opnast igjen

Kyrkjeval og førehandsrøysting

Opningstider i sommar

Vil du bli vaksenleiar i Hareid Ten Sing?

Hareid kyrkje tek aktivt del på festivalen "Opplev Hareid"

Vi ønskjer velkomen til den nye soknepresten

Ber om tålmod og forståing

Velkomen til Lars - vår nye sokneprest

Hareid kyrkje blir stengd for renovering

Soknerådsval og kommuneval 9. september 2019

Ventar på reguleringsendring i løpet av sommaren

Konfirmasjon i Hareid

Konsert 27. april på Hjørungsvåg skule

Vår-dugnad på kyrkjegarden: Eit samspel bygd og kyrkjegard

Opningstider og program i påskeveka

Våren er komen - kan du bidra på vårdugnad kyrkjegarden?

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Chrome

Firefox

Safari