Nyheiter

Påske-program 2019

5.4.2019

Fastetida går mot slutten og går over i den stille veka. Den stille veka er frå palmesundag til påskeaftan. Påskehøgtida er saman med jula den mest sentrale av dei kristne høgtidene. Her kan du sjå programmet for påska i Hareid kyrkje.

Ny kyrkjetenar og kyrkjegardsarbeidar på Hareid

30.3.2019

Jon Arnstein Haugen (31) blir med på laget til Hareid sokn som kyrkjetenar/gardsarbeidar frå 1. april 2019. Haugen er frå Sjåk, men har budd i Ulsteinvik dei siste 2 åra. Han er oppvaksen på gard i Sjåk og har sjølv drive garden i 7 år, har allsidig bakgrunn og er vant til praktisk arbeid. Dei siste åra har han jobba som ambulansepersonell, og han har også bakgrunn som yrkessjåfør, transport- og mekaniske fag.

Ny sokneprest til Hareid i juni

15.3.2019

I juni blir det presteskifte på Hareid, og det er Lars Hartig-Tangedal (52) som blir den nye soknepresten på Hareid. Han tek over når Leidulv Ø. Grimstad går av med pensjon. Dette blei klart 8. februar etter at Møre bispedømeråd vedtok å tilby stillinga til Lars Hartig-Tangedal.

Dåpskjole til utlån-engasjement frå frivillige

8.3.2019

I Hareid har vi veldig mange kjekke folk som er innom kyrkjekontoret og arbeidet til Frivilligsentralen som held til i same lokaler. Ei av dei flotte damene på hobbyklubben til Frivilligsentralen er positiv kvar gong kyrkjekontoret har ei utfordring til tjeneste der strikkepinnane kan brukast!

Velkomne til dåp!

7.3.2019

Den kristne kyrkja har døypt born og vaksne heilt tilbake til Jesu tid. Pinsedagen i Jerusalem hadde «stordåp» med 3000 mennesker som vart innlemma i den kristne kyrkja via dåpen. «Stordåp» kan vi oppleve i vår kyrkje også, når ei familie med 4 born døyper alle på ein og same dag, då må vi kunne kalle det for «stordåp»!

Velkomen på årsmøte 24. mars - kyrkja inn i framtida!

22.2.2019

Etter gudstenesta 24. mars, inviterer vi til årsmøte for Hareid sokn på Hareid bedehus. Her kan du innta dagens middag, samt kaffi og kaker. Det blir presentasjon av årsmeldinga samt eiga sak om renoveringsarbeidet som skal skje i kyrkja til sommaren og dei konsekvensar det får, samt andre orienteringar v/kyrkjeverja. Vel møtt til ei hyggeleg stund!

Fastetida i kyrkja

14.2.2019

Kvar onsdagskveld i fastetida har kyrkja ope tilbod med variert innhald. Her kan du oppleve song, musikk, tid til ettertanke og engasjere deg så mykje du kan og ynskjer.

Ny sokneprest på Hareid

11.2.2019

Lars Hartig-Tangedal (52) blir den nye soknepresten på Hareid. Dette blei klart fredag 8. februar etter at Møre bispedømeråd vedtok å tilby stillinga til Lars Hartig-Tangedal. Møre bispedømeråd hadde 3 kandidatar å velje mellom til denne stillinga, noko som er sjeldan sidan prestemangelen for tida er stor rundt i landet. Vi gler oss veldig til å ta i mot den nye soknepresten på Hareid, når den tid kjem. Dette blir mest truleg i begynnelsen av juni 2019.

Invitasjon til dåp

31.1.2019

Dåpen er ei feiring av livet, og alle som ynskjer å døype barnet sitt er velkomne i kyrkja. Tidlegare år fekk kyrkja fødselsmeldingar frå Folkeregisteret når medlemar i Den norske kyrkja fekk barn. På den måten var det enkelt å kontakte dei nybakte foreldra for å invitere til dåp og orientere om kyrkja sitt tilbod til baby og småbarnsforeldre. Men dette er no endra, det vert ikkje lenger sendt ut slik informasjon til trus og/eller livssynssamfunn.

Doktoroppgåve om frivillighet

6.2.2019

Hareid sokn sin Frivilligsentral har i to veker hatt besøk av Agnieszka Legutko (28) frå Polen, som studerer økonomi ved Universitet i Kraków. Agnieszka Legutko forsker på frivillighet i Noreg og skriver doktoroppgåve om korleis frivilligsentralene hjelper staten til å realisere sin innvandringspolitikk.

Dåpsduer i kyrkja vår

23.1.2019

Vi har lang tradisjon for å døype barn i Noreg. I Hareid ynskjer vi å synleggjere dåpen med å henge opp ei due i kyrkjeromet for kvar dåp. Dua er symbolet på Den Heilage Ande, som er sentral i dåpen. Gjennom året vil du sjå dei kvite duene i kyrkjeromet der dei heng på ei stor trollhasselgrein, fleire og fleire etterkvart som nokon blir døypt.

Juleoffer og tusen takk til kyrkjelyden!

11.1.2019

Kirkens Nødhjelp og Hareid sokn takker Hareid kyrkjelyd for gåva som kom inn på dei to julegudstenestane i Hareid kyrkje på julaftan. Nesten 15.000 kroner blei gitt i gåve frå dykk. Juleofferet er ein del av bærebjelkane i det viktige arbeidet som Kirkens Nødhjelp utfører i møte med krisene i verda, eit særs viktig internasjonalt diakonalt arbeid. Vi må aldri slutte å bry oss!

Bøn før gudstenestane i Hareid kyrkje

4.1.2019

Vil du vere med på laget og ta del på bøn i Hareid kyrkje før gudstenestane? Når vi ber skjer det ting, og når vi ber saman og det er enighet om kva vi ber om – gjev det eit felleskap som er godt å ta del i. Kvar søndag når det er gudsteneste i Hareid kyrkje, kan du vere med på ei fin bønestund i fellesskap med andre kl 10.00-10.25, i dåpssakristiet i kyrkja. Etterpå kan du ta del på gudstenesta om du ønskjer det.

Tre søkjarar på stilling som sokneprest i Hareid

3.1.2019

Det har meldt seg tre søkjarar til den ledige stillinga som sokneprest i Hareid. Tilsettinga skjer i Møre bispedømeråd sitt møte 8. februar. Leidulv Ø. Grimstad er sokneprest fram til sommaren, og planen er at den som blir tilsett skal begynne på seinsommaren.

På veg mot kyrkjelydshus

Hareid bedehus ligg nær kyrkja og sentralt i enden av miljøgata, alt i alt ei god plassering til det aktive, omfattande og førebyggande arbeid som soknet gjer i lokalsamfunnet. Hareid sokn har fått tilbod om å ta over Hareid bedehus for å nytte det til kyrkjelydshus, noko Hareid kyrkjelege fellesråd har vedtatt å gå vidare med. Nøyaktig tidspunkt for overtaking er ikkje avtalt. Føresetnader som til dømes reguleringsplan må godkjennast av kommunen først, då det forutsett at det skal byggast kontorfløy til eksisterande bygg - for å ha kyrkjekontor i same bygning som kyrkjelydshus.

OPNINGSTIDER I JUL/NYTTÅR

21.12.2018

Vi ynskjer alle ei fredfull og velsigna julehøgtid og nyttår! Her kan du sjå våre opningstider på kyrkjekontoret, Frivilligsentralen og Brukt & Billig.

Julehelsing frå soknepresten

21.12.2018

Å feire jul er å ha Jesus i sentrum og då er det naturleg at også kyrkja er i sentrum. Vi er svært takksam for ein aktiv kyrkjelyd og for deltaking på alle dei ulike aktivitetane i vår folkekyrkje på Hareid gjennom heile 2018. Fellesskapet styrkjer både den einskilde og kyrkjelyden. Vel møtt til kyrkje!

Kulturminneskilt ved Hareid kyrkje

14.12.2018

Hareid kyrkje har fått to kulturminneskilt som formidlar Hareid middelalderkyrkjegard og dei arkeologiske spora etter bronsealdergarden som er funne nord for kyrkja. Dette er eit samarbeidsprosjekt der både riksantikvar, Hareid historielag, Hareid kommune, Møre og Romsdal fylkeskommune og Hareid sokn har tatt del i.

Offisiell opning av to kulturminneskilt v/Hareid kyrkje 12. desember

6.12.2018

To kulturminneskilt skal offisielt avdukast kvelden 12. desember ved Hareid kyrkje. Skilta viser Hareid middelalderkyrkjegard og dei arkeologiske spora etter bronsealdergarden som er funne nord for kyrkja. Opninga vert rett etter den årlege julekonserten til musikk- og kulturskulen, som startar kl 18.30. Liknande skilt skal og etterkvart kome på Kvitneset og Overåsanden.

Advent og julefeiring i kyrkja - sjå program

28.11.2018

Advent er ei tid for førebuing og ei "opptrappingstid" til jul. Ei forventing til den store gleda for alt folket, at vår Frelsar vart fødd i Davids by, Betlehem. I Hareid kyrkje vert det mange samlingar for både små og store. Gudstenester, konsertar, syng og spele jula inn med meir. Velkomen til advent- og julefesten!

Nyheiter

Påske-program 2019

Ny kyrkjetenar og kyrkjegardsarbeidar på Hareid

Ny sokneprest til Hareid i juni

Dåpskjole til utlån-engasjement frå frivillige

Velkomne til dåp!

Velkomen på årsmøte 24. mars - kyrkja inn i framtida!

Fastetida i kyrkja

Ny sokneprest på Hareid

Invitasjon til dåp

Doktoroppgåve om frivillighet

Dåpsduer i kyrkja vår

Juleoffer og tusen takk til kyrkjelyden!

Bøn før gudstenestane i Hareid kyrkje

Tre søkjarar på stilling som sokneprest i Hareid

På veg mot kyrkjelydshus

OPNINGSTIDER I JUL/NYTTÅR

Julehelsing frå soknepresten

Kulturminneskilt ved Hareid kyrkje

Offisiell opning av to kulturminneskilt v/Hareid kyrkje 12. desember

Advent og julefeiring i kyrkja - sjå program

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Chrome

Firefox

Safari