Nyheiter

Godt skule-kyrkje samarbeid i Hareid

28.11.2018

I år som alle tidlegare år arrangerer kyrkja i Hareid gudstenste der barnehageborn og skuleborn er særskilt inviterte. I Hareid er det tradisjon for eit godt samarbeid mellom barnehagane, skulane og kyrkja. Ein ny rettleiar frå myndigheitene legg vekt på at elevane skal ha tilbod om gudsteneste, noko skulen og kyrkja har hatt eit samarbeidsmøte om.

Dele? Har vi noko å dele?

12.11.2018

MISJON: Denne veka har vi fokus på kva vi kan dele med andre. Born, ungdom og vaksne vil kome i kontakt med dette tema gjennom arrangementa i Hareid sokn.

Misjon i fokus

8.11.2018

Gjennom misjonsorganisasjonar har kyrkja i Norge vore med å bygge opp samfunnet i mange land. I Hareid kyrkje har vi no særskilt fokus på barn og unge i Thailand. Vi har forplikta oss til å støtte dette arbeidet med minimum kr.40.000,- kvart år. Mange barn og unge har fått kle, mat og muligheit for utdanning av det vi samlar inn frå Hareid.

Overføringar frå kyrkja til Hadartun

9.11.2018

På søndag blir det overføring frå kyrkja til Hadartun igjen. Inntil vidare blir det den gamle og ustabile løysinga, som ikkje er holdbar i lengda - men som vil vere ei førebels løysing.

Søkjer ny sokneprest i Hareid

9.11.2018

Vår sokneprest gjennom dei siste tre åra, Leidulv Ø. Grimstad, vel å gå av med pensjon frå sommaren 2019. Grimstad har vore sokneprest i Hareid i 3 år, og vel å gå av med pensjon då han passerer aldersgrensa og blir 68 år i mars til neste år. Stillingsannonse og korleis du kan søkje, finn du lenger ned på sida. Søknadsfrist 01.01.2019.

Sjømannsgudsteneste

7.11.2018

Gudstenesta søndag vil ha preg av at vi er eit maritimt folkeferd. Og bibeltekstene for denne dagen er og maritimt prega, stormen på Genesaretsjøen og Jesus som stiller stormen. Grimstadkoret vert med under gudstenesta, og vil blant anna synge «Ein båt i stormen duva». Innleiingsvis vil Jakob Sande sin sjømannssalme bli sungen akkompagnert med orgel og trekkspel. Sidan det er ein «sjømannskyrkjedag, vil det bli servert kaffe og vafler til slutt.

Ønskjer du å delta i ei sorggruppe?

6.11.2018

Vi startar opp sorggruppe: Å kjenne på sorg når nokon ein er glad i døyr, er ein heilt naturleg reaksjon. Korleis og kor lenge ein sørgjer er ulikt frå person til person. Alle som mistar nokon må skape eit nytt fotfeste i livet utan den som har døydd, og å sørgje samstundes som ein må koma seg vidare i livet, kan vere hardt og krevjande arbeid.

Min favoritt konsert 21.12.kl.21.

5.11.2018

Vi gjentek suksessen frå i fjor! Mange flotte folk får presentere ein av sine favorittar til oss like fram mot julekvelden! Mange billetar er alt solgt!

Minnegudsteneste i Hareid kyrkje laurdag 3. november kl 16.00

1.11.2018

Hareid kyrkjelyd ved Diakoniutvalet byd inn til minnegudsteneste på laurdag kl 16.00 før Alle helgens dag. Gudstenesta er open for alle som ynskjer å minnast sine, uansett kvar ein er ifrå.

Hareid sokn søkjer etter kyrkjetenar- & kyrkjegardsarbeidar 100%

30.10.2018

Vil du bli med på laget i Hareid sokn? Søknadsfrist: 25. november 2018. Ta gjerne kontakt med oss for meir informasjon.

Til kjærleik Gud oss skapte

26.10.2018

Oktober var prega av «Mindre aleine saman» og TV aksjonen til Kirkens Bymisjon som sette fokus på eit varmare og meir inkluderande samfunn, for alle. I Hareid kyrkje ynskjer vi at også november skal vere prega av dette. I våre samlingar og gudstenester vil vi snakke og synge om konsekvensane av kjærleiken. Guds kjærleik. Han som elskar oss uansett, i storm og stille, gjennom tvil og tru, i sorg og glede. Han elskar oss, derfor er vi og skuldige å elske kvarandre, står det skrive i boka som er utgangspunkt for vår tru og lære.

Aktivt med på Hareidsstemna

19.10.2018

Tradisjonen tru tek vi del på Hareidsstemna med både hausttakkefest med internasjonal middag (14/10), Hareid Ten Sing opptrer på stemnefesten laurdag (20/10), og tilslutt festgudsteneste i Hareid kyrkje søndag 21. oktober.

Spre glede til kvarandre. Gje kvarandre ei hand å halde i.

18.10.2018

Hareid frivilligsentral driv eit viktig, sosialt entreprenørskap i Hareid kommune. ”Vi treng deg. Du treng oss!”

Planar om dåp?

18.10.2018

Velkomen til dåp! I Hareid har vi gode tradisjonar for dåp og vidare deltaking på trusopplæringa som er frå 0-18 år. Dei fleste døypast kort tid etter dei er fødd, men dåp er open for alle - uansett alder.

Vi kan bidra - mindre alene sammen

17.10.2018

TV-aksjonen 2018 går til Kirkens Bymisjons arbeid for å skape et varmere og mer inkluderende samfunn. Møre bispedømme vil støtte opp om årets aksjon og vil oppmuntre deg til å være delaktig!

Elvis-messe i Hareid kyrkje

16.10.2018

Onsdag 31. oktober, er det klart for ei gudsteneste litt utanom det vanlege i Hareid kyrkje. Saman med Kjell «Elvis» har vi sett saman ei enkel gudsteneste, men i staden for salmar, brukar vi songar som Elvis Presley har sunge. Av dei mest kjende kan nemnast "You gave me a mountain" og "American Triology".

Kyrkjelydshus / fleirbrukshus

26.9.2018

Hareid bedehus er tilbydd som gåve frå bedehuseigarane til Hareid sokn, for å kunne nyttast som kyrkjelydshus. Vi er i dialog med kommunen og prosessar er igong, og ei formell overtaking vil difor kunne skje når naudsynte godkjenninger er på plass. Arbeidet skrider framover og vi gleder oss! Vi har allereie samla inn eindel pengar for å oppgradere eksisterande bygning til kyrkjelydshus. Både på basaren i september, på arrangementet vårt i sommar under "Opplev Hareid", og "Min favoritt" julekonsert i desember i fjor. Dette er fellesdugnader der monge har bidrege. Dette er vi svært takksame for og det fortel oss at mange ynskjer eit kyrkjelydshus i Hareid.

Overføring frå Hareid kyrkje til sjukeheimen

21.9.2018

Videooverføringa frå Hareid kyrkje til sjukeheimen har vore ute av drift frå i sommar. Årsaka til dette er at det i lang tid har vore eit ustabilt teknisk system, men som det no jobbast med for å finne ei løysing på.

Filmkveld i kyrkja 27/9 kl 18.30 - "Hva vil folk si?"

7.9.2018

Hareid kyrkjeakademi inviterere til temakveld i kyrkja med ein prisbelønt film som utgangspunkt. Filmen "Hva vil folk si?" av Iram Haq er nominert til norges Oskar bidrag, fekk nyleg 4 Amandaprisar og har fått ei rekke prisar tidlegare.

«Salmeboka minutt-for-minutt» i Hareid kyrkje 19/9 kl 19.00

7.9.2018

Onsdag 19. september kl. 19.00 blir haustens første salmekveld arrangert i Hareid. Vi får besøk av Helge Gudmundsen, ein av dei som jobba mykje med sendinga på NRK. Han har i mange år også leia radio-programmet "Salmer til alle tider". Han vil fortelle om korleis NRK jobba før og under minutt-for-minutt-sendinga. Hareid Kammerkor vil ta del med song. Koret var eit av mange kora som var med på direktesendinga frå Trondheim. Det blir mykje allsong, leia av ei forsongargruppe. I tillegg til Ida Teige på orgel og piano, har vi fått med oss Stig Håheim på piano og Karsten Robert Kirkebø på rytmer. Det vil bli teke opp ei kollekt til det kyrkjemusikalske arbeidet. Etterpå blir det servering bak i kyrkja. Serveringa er det K-gruppa som står for! Velmøtt til ein kjekk kveld!!

Nyheiter

Godt skule-kyrkje samarbeid i Hareid

Dele? Har vi noko å dele?

Misjon i fokus

Overføringar frå kyrkja til Hadartun

Søkjer ny sokneprest i Hareid

Sjømannsgudsteneste

Ønskjer du å delta i ei sorggruppe?

Min favoritt konsert 21.12.kl.21.

Minnegudsteneste i Hareid kyrkje laurdag 3. november kl 16.00

Hareid sokn søkjer etter kyrkjetenar- & kyrkjegardsarbeidar 100%

Til kjærleik Gud oss skapte

Aktivt med på Hareidsstemna

Spre glede til kvarandre. Gje kvarandre ei hand å halde i.

Planar om dåp?

Vi kan bidra - mindre alene sammen

Elvis-messe i Hareid kyrkje

Kyrkjelydshus / fleirbrukshus

Overføring frå Hareid kyrkje til sjukeheimen

Filmkveld i kyrkja 27/9 kl 18.30 - "Hva vil folk si?"

«Salmeboka minutt-for-minutt» i Hareid kyrkje 19/9 kl 19.00

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Chrome

Firefox

Safari