Kven er gudstenesta for?
Gudstenesta er ope for alle, uavhengig av kven ein er, kor ein kjem frå og kor gamal ein er. Ulstein Sokn består av eit mangfald av menneske, og gudstenesta er ikkje meint å være for ei viss gruppe menneske. Ei gudsteneste handlar ikkje om kven som samlast, men om kva ein samlast rundt og kva ein søkjer – nemleg Gud og Guds nåde.
Å delta i gudstenesta er for mange menneske ei god vane. Det markerer forskjellen på kvardag og helg, fyller eit behov for høgtid og heilagdom. Det er eit rom for tilbeding og å høyre til. Andre kjem kanskje fordi dei er invitert eller dei skal være fadrar for eit barn eller delta i ein konfirmasjon.
Å møtast i gudstenesta, enten fordi den i det ytre er viktig for oss som ein del av ein rytme, eller som det sted der det skapas gode fellesskap, har parallellar verda over. Kyrkja er eit verdsvidt fellesskap, med røter tilbake til Jesu fellesskap med sine læresveinar. Kyrkja er Guds folk på vandring, verda over, mot eit himmelsk mål.