Temaet krinsar kring å bygge kyrkje gjennom fellesskap og bygg, og fokus på våre felles utfordringar knytt til miljø og klimaspørsmål slik at vi tek vare på skaparverket. Difor er programmet lagt opp til å vise mest mogleg av aktivitetane og møte flest mogleg av dei som engasjerer seg for kyrkja sitt arbeid. Visitasen er også tilsyn med arbeidet og biskopen vil gje vurderingar og råd til arbeidet framover.
Besøket vert fordelt over to veker grunna hennar reise til New York for å tale i FN-forente nasjonar. Biskopen er oppteken av Klimaspørsmål og rettferd – og er invitert til å dele sine refleksjonar der. Det er jo flott at ho kjem rett frå FN og rett hit til skulegudsteneste med fokus på miljø, rettferd og klimaspørsmål. Prosten i Søre Sunnmøre prosti; Ingeborg Matre og rådgjevar for undervisning i Møre bispedøme, Bente Wangensteen er tilstade under heile visitasen.