Konfirmanttida er eit år med mykjee gøy, og eit år der du kan ble betre kjend med deg sjølv og Gud. Mykje av undervisninga skjer på konfirmantleir. Gjennom leik, undervisning, aktivitetar, fellesskap, song, film og gudsteneste blir ein godt kjend med kvarandre, blir utfordra og kan få eit innsteg i dei kristne verdiane og praksisane.
Konfirmasjonstida sitt innhald kan samlast under tre overskrifter som svarar til hovudtema frå Trusopplæringsplanen:
Livstolking og livsmestring
Konfirmasjonstida skal fremme opplevinga av eigenverd og leggje til rette for at konfirmanten kan sjå seg sjølv og tolke sin verd som skapt, elska og heldt oppe ved Guds kjærleik.
Kyrkjas tru og tradisjon
Gjennom konfirmasjonstida skal konfirmanten lære å kjenne den treeinige Gud gjennom Bibelen som Guds ord, truvedkjenninga, sakramenta og andre sentrale uttrykk for kristen tro.
Kristen tru i praksis
Gjennom konfirmasjonstida skal konfirmanten arbeide med kva det vil seie å være elska av Gud, elske seg sjølv, sin neste og Gud. Dei skal lære å be, lese Bibelen, feire gudsteneste og vise nestekjærleik i praktisk solidaritet. Konfirmanten skal få uttrykke seg sjølv, sin tru og sin skaparevne.