Konfirmasjonstida er for alle, ikkje berre for deg som trur. Å være konfirmant i kyrkja er like mykje for deg som tviler eller berre er nysgjerrig. I konfirmanttida får du moglegheit til å utforske mange viktige spørsmål saman med andre. For det er nettopp det konfirmanttida handlar om – å lære meir om deg sjølv og Gud. Og om å få nye opplevingar saman med venner.
Konfirmasjon og dåp heng saman, men det er ikkje naudsynt å være døypt for å delta i kyrkjelyden sitt konfirmasjonsopplegg. Dei konfirmantane som ikkje er døypt som barn, kan bli døypt før konfirmasjonen. Det kan skje i ein eigen dåpsgudsteneste eller som del av ein vanlig gudsteneste.
Ulstein sokn vil at alle som ynskjer å bli konfirmert skal få moglegheit til det. Vi ynskjer difor å leggje til rette for at alle skal ha moglegheit til å gjennomføre konfirmasjonstida og stå til konfirmasjon. Om det er behov for særskilt tilrettelegging på noko vis, ta kontakt med kyrkjekontoret.