Generelt om stat og kommune sitt ansvar
I grunnlova § 16 står det slik «Den norske kyrkja, ei evangelisk-luthersk kyrkje, står ved lag som den norske folkekyrkja og blir stødd som det av staten».
Kommunane har ansvar for å gje tilskot til den lokale kyrkja ifølgje Kyrkjelova §15. https://lovdata.no/lov/1996-06-07-31/§15. Det går til bygging og vedlikehald av kyrkjebygg, administrasjon og kontorhald, drift av kyrkjegardsadministrasjon og dei fleste av stillingane i kyrkjelyden og utanom prest og stillingar som er lønna av gåver eller andre inntekter.
Staten har ansvaret for å lønne prestane, biskopar og hans stab i bispedømeråda og kyrkjerådet. Kyrkjelova § 2a Lokalt får vi gjennom bispedømet eit tilskot som skal gå til trusopplæringstiltak for alle døypte medlemmer mellom 0-18 år. Det skal erstatte kristendomsundervisninga som tidlegare var i skulen.
Kyrkjebyggingsansvar
I kyrkjelova § 21 står det at det skal byggast ny kyrkje «når (…) på grunn av vesentlige mangler er ubrukbar og ikke kan utbedres, når den under vanlige gudstjenester ikke gir tilstrekkelig plass for de kirkesøkende og ikke hensiktsmessig kan utvides.» Det skal også byggast viss soknet ikkje har plass til ein tidel av medlemmene i soknet. Nye kyrkjer skal ha plass til mellom 200-500 sitteplassar.
Kjelde: Noregs lover - www.lovdata.no
Anne Sofie N. Uthaug, kyrkjeverje