Aase/Vogli duo består av pianistane og ekteparet Enxhi Vogli Fluge og Sivert Aase Fluge. Duoen vart skipa i 2020 og har sidan då hatt fleire konsertar og oppnådd ei rekke prisar i kammermusikkonkurransar i Noreg og Tyskland. Dei har studert piano under professorane Sveinung Bjelland, Tellef Juva og Kristina Laço.
Mellom seg har dei opptrådt på fleire store scenar i Noreg og Albania. Dei har blant anna nylig framført Francis Poulencs konsert for to klaver og orkester i Operahuset i Tirana saman med Albanias kringkastingsorkester. Dei har og vore solistar med Kristiansand Symfoniorkester og Agder Symfoniorkester.
Det vert variert musikk frå forskjellige periodar i musikkhistorien.
- Schuberts monumentale fantasi i f-moll,
- Ravels eventyrsamling"Gåsemor forteller" og
- Poulencs fargerike sonate for 4-hendig klaver.
Sivert fortel underveis litt av historia om bruken av 4-hendig klaverspel og korleis dei forskjellige verka passar inn i denne tidslinja.
Konserten vert eit av stoppa i Aase/vogli duo sin konsertturné som startar i Oslo i april.
Konserten er GRATIS for elevar ved Alver kulturskule. Vanleg billettpris kr. 250,-