Den norske kyrkja sin leiande biskop feira påske i Nord-Hålogaland. Først i Alta og så på Samisk påskefestival i Kautokeino.
På si Facebook-side "Preses Olav Fykse Tveit" skriv han:
«Påskemorgen slukker sorgen til evig tid». Påska er livets fest i dødens verd. Det er ei høgtid der forsoning står i sentrum.
«Vår forsoner til evig tid», heiter det vidare i den kjende påskesalmen. Gud møter menneska sin urett og svik, synd og død. Ikkje med hevn, men med å reise Jesus opp til nye møter utan frykt. Til nytt liv og nye moglegheiter. Jesus gjenopprettar fellesskap og relasjonar. Vi er også kalt til det – i lag med vår forsonar til evig tid.
Ei god oppleving å feire påske i Nord-Hålogaland. Først i Alta og så på Samisk Påskefestival i Kautokeino. Her er det folkefest og kyrkjefest.
Forsoning
Fykse Tveit vart også intervjua av NRK om kyrkja si rolle i arbeidet med å skape eit meir forsona samfunn, etter rapporten til Stortinget om Sanning og forsoning som kom i juni 2023.
– Eg tenker det er viktig at vi i kyrkja viser at vi tek denne rapporten alvorleg. Den handlar også om det kyrkja har gjort som hra bidrege til fornorsking, sa han til NRK.no.
