Vil du bidra til at vi framleis kan fortelje om stort og smått i Meland gjennom kyrkjebladet Kontakt?
Vi veit at bladet når svært langt ut - lengre enn noko anna vi i kyrkjelyden gjer, det blir spreidd til alle husstandar, er populært og etterspurt og ein verdifull reiskap. Kontakt er avhengig av gåver og annonser for å bli drive vidare. Vi har diverre sett ein nedgang i inntekter dei siste åra.
Vil du støtte bladet med ei gåve, send den til kontonummeret vårt (sjå nederst - merk gåva Kontakt). Eller Vipps til nr. 59301. Har du lyst å annonsere - ta kontakt med kyrkjekontoret. Prisar frå kr 625 pr nummer, 2500 for eitt år.
Alle blada har lokalt særpreg. Dei midterste sidene er fellesstoff, medan dei ytterste blada er lokalstoff. Den lokale redaksjonen består no av Solveig Westermoen og Anne Sofie Uthaug. Ansvarleg redaktør for dei tre blada er Øystein Skauge.
Bladet vert distribuert ved frivillige. Har du ikkje fått bladet i posten, vil vi gjerne ha melding på epost eller telefon.